stefanstec

text piesne

text

text

Oj, ty Ľubko, fajna Ľubko,
pryjdy do nas nakušťinko,
Dam ja tobi isty, pyti,
Taj budeme razom žyti.

A ja sobi polehyňu,
A ty sobi poďivočiš,
Taj budeme razom žyti,
Na druhu siatu neďiľu.

Zašumila bukovinka, jak se rozvyvala,
Zaplakala fajna ďivka, jak se vydavala.
Oj, nešumyj bukovinko, oj, nerozvivaj se,
Neplač, neplač fajna ďivko, taj nevydavaj se.

A jak my se poľubyli, suchy trupy cvily,
a jak my se zalyšeľi  sereňky objiľy.
Oj, Maryčko solodeňka, lyčkom rozmaľita,
Koby my se poľubyli choč odnoho ľita.

Marusio, Marusio, Marusio moja,
Chto tobi dovoľiv zaručity sia.
Mam ja doma brata i staršu sestru,
Oňi mi kazaľi, što za miž pidu.

Koby ne Marusia, ja bym‘ nežeňiv sia,
Marusjine očka spodobaľi mi sia,
Hryc meňi moja mamko, Hryc meňi poľubiv,
Hryc meňi moja mamko, čerevičky kupiv.

Čerevičky kupiv za ciloho petaka,
Žeby ja sňim tanciuvala, oj ceľij deň hopaka.
Hryc meňi moja mamko, Hryc meňi poľubiv,
Hryc meňi moja mamko, čerevičky kupiv.

(A sam bosy chodyv!)

Tri ďidy, tri ďidy poľubyli babu,
A četvertyj malasjenkyj pričapiv sia vzadu.

Tri baby, tri baby poľubyli ďida,
A četverta stara baba malom nezdurila.

Poľubyla Pavdiča, Petra Ivanoviča,
Taj neznaju što robyt, či pokynut, či ľubyt.

Išov ďido čerez selo, siadľ sia svitylo,
Do kotroho domu pryšov, tam sia zahasylo.

Ja Mykola, ty Mykola, oba sme Mykoly,
Mene byli kolo cerkvi, tebe kolo školy.

Mene byli kolo cerkvi, bom‚ neznav spivati,
Tebe byli kolo školy, bos‚ neznav čitati.

Kolomyjka,  kolomyjka, to je fajnyj tanec,
Chto ho neznat tanciuvati, ta tot je zasranec.

Ked sobi zašpivam popid javoriky,
Učuješ ňa milá až do Ameriky.

Už slunečko šidať, nyč mi nepovidat,
Lem jedno slovičko, bud zdrava Haničko.
Poďme zhora dolu, bo už nam prychodyt,
Bo jasne slunečko za horu zachodyt.

Deň, deň bilyj deň, stavaj mila klaď oheň,
Zbiraj trisky po dvorovi, navar jisty šuhajovi,
Deň, deň bilyj deň, stavaj mila klaď oheň.

Deň, deň bilyj deň, stavaj mila klaď oheň,
Mila stala, taj naklala, neje toho, čom čekala,
Deň, deň bilyj deň, stavaj mila klaď oheň.

Hej, mila pyla, čipec stratyla,
Pryšla do domu, taj muža byla.
Byla ho v siňoch, byla ho v chaťi,
iť že ty mužu čipec hledati.
Do korčmi pryšov, dobryj deň ľude,
chto čipec najde, oldomaš bude.
Oldomaš bude, ľiter paľinky,
Chto čipec najde, tot‚ moj od žinky.

Oj zahraj mi muzikante,
Ja tobi budu spivati,
Žeby ľipše moji miľi,
bylo zo mnou tanciuvati.

Ciluju ťa moja ďivko,
ciluju na tvoje lyčko.
A chto bude ciluvati,
jak ja budu odchodžati.

Zaspivajme sobi,
Naj bude veselo,
Naj sia rozveselit toto naše selo.

Zaspivajme sobi,
Bo sia rozijdeme,
Mine ročok i dva, pokym sia zyjdeme.

I spivam i plaču,
Ťišu sia jak možu,
O svojim zarmutku zabyty nemožu.

Oj, na hori tri topoľi,
Četvertaja vyšňa.
Hraje kozak na banďuri,
Ščom ďivčina vyšla.

Vyjdi, vyjdi ďivčinoňko,
Jak jes vychodila.
Skaži meňi čiru pravdu,
Koho ty ľubila.

Ja ľubyla, ja kochala
Chlopcia molodoho.
A teper že ja nebudu
Ľubyt nikoho.

Oj, na hory dva duby, dva duby,
Siďat na nych holuby, holuby,
A pid nemi dva chlopci,
Ej, hoj, dva chlopci,
Rozkazujut ďivoci, ďivoci.

Ty sia ďivko vydavaj, vydavaj,
Taj na mene nečekaj, nečekaj,
Bo ja chlopec molodyj,
Ej, hoj, molodyj,
Mene konyk voronyj, voronyj.

Jak to ďivča počulo, počulo,
Taj do mamy pribyhlo, pribyhlo,
Nakopalo koreňa,
Ej, hoj, koreňa,
Spid biloho kameňa.

Što ťa milyj pryneslo, pryneslo,
Či koleso, či veslo, či veslo,
Pryňis mene syvyj kiň,
Ej, hoj, syvyj kiň,
Bo ty moja a ja tvyj, a ja tvyj.

Leťiv ptašok ponad vodu,
Skalamutyv piskom vodu,
Doky ďivča vodu bralo,
I s Romanom rozmovľalo,

Oj, Romane, Romanočku,
Pusty mene do domočku,
Bo ja bars zlu mamku maju,
Bude byti, dobri znaju.

Oj, pusťu ťa do domočku,
Odhadaj mi hadanočku,
Odhadaješ, moja budeš,
nevhadaješ, čuža budeš.

A ščo roste bez korinňa,
A što schodyť bez nasiňa.
A što hraje, holos maje,
A što plače, sliz nemaje,

Kamiň roste bez koriňa,
Sonce schodyť bez nasina,
Cimbal hraje, holos maje,
Serce plače, sliz nemaje.

POLEŤIV BY’M NA KRAJ SVITA

Poleťiv bym‚ na kraj svita,
Jak viter šo v poľi ľita, heeej,
V americkyj kraj,
Lem žaľ mi za tobou chyžo,
solomjana, žaľ.

Oj, žaľ mi za tobou strano,
De žila mamočka s ňaňom, heeeej,
Oj, jak mi ťa žaľ.
Hoc tu bida, ta nepidu,
V americkyj kraj.