Do domu
Do domu
do domu do domu
každyj gu svojomu
hej lem ja neboračok
ta nemam gu komu
do domu do domu
bo ja yti musu
ej bo mi moja mila
palyť moju dušu
nepalyť ju ohňom
nepalyť ju svičkou
ej ale ona palyť
ej rozpalenŷm lyčkom
Hora hora
Hora hora
hora hora i dolyna
nebudeš tŷ materina
lem sobi za horku zajdu
tam sobi frajirku najdu
hora hora verch sosnovŷj
nevir ďivča frajirovy
lem sobi za horku zajdu
tam sobi frajirku najdu
viter duje verchom stane
a parobok ďivča sklame
lem sobi za horku zajdu
tam sobi frajirku najdu
viter duje veršok klonyť
a za milou serce bolyť
lem sobi za horku zajdu
tam sobi frajirku najdu
Plyve kača
Plyve kača
hej plyve kača po Tysini
plyve kača po Tysini
mamko moja nelaj meni
mamko moja nelaj meni
hej zalaješ mi v zlu hodynu
zalaješ mi v zlu hodynu
sam neznaju de pohŷnu
sam neznaju de pohŷnu
hej zahŷnu ja v čužim kraju
zahynu ja v čužim kraju
chto mi bude braty jamu
chto mi bude braty jamu
hej vŷberut mi čužy ľude
vŷberut mi čužy ľude
ci ne žaľ ti mamko bude
ci ne žaľ tobi mamko bude
Pid oblačkom
pid oblačkom
pid oblačkom javir pochŷlenyj
spivať na ňim ftašok premilenŷj
sluchaj mila jak tot vtašok spivať
že z ľubovi nyč dobre nebŷvať
ci ta ľubov je od Boha dana
ci lem može ďablom pidšeptana
choc bŷ’s nechtiv ta musyš ľubyti
choc bŷ’s nechtiv proto maš terpiti
mila moja tŷ pokuso jedna
už ťa ľubľu ne rik ani ne dva
ci’s mi dala ziľa sia napyti
ej že nemož nyjak bez ťa žŷti
mi vorožka davno vorožŷla
že ňa zduryt ďivka čornobryva
že nebudu viďiv za ňou svita
až pomynuť moji mladŷ ľita
pid oblačkom javir zeleňije
posmoť mila jak s nym viter vije
vŷrve joho može s koriňami
mila moja što to bude s nami
Urvala sia struna
Urvala sia struna
urvala sia struna što najľipše hula
vŷdala sia tota ďivka što najkrajša bŷla
a mŷ totu strunu zviažeme zviažeme
a mŷ našu fajnu ďivku do vas nepošleme
ej krajom krajom koňu krajom a mŷ mila poďme hajom
ej kročkom kročkom koňu kročkom a mŷ mila potočkom
vesiľa vesiľa na vesiľu ľude
vyprovoďme moloďata a rodinou buďme
urvala sia struna što najľipše hula
vŷdala sia tota ďivka što najkrajša bŷla